मुंबई, (प्रतिनिधी) दि. २८ डिसेंबर २०२५ - बृहन्मुंबई महानगरपालिकेच्या सार्वत्रिक निवडणुकीसाठी राजकीय हालचालींना वेग आला आहे. राष्ट्रवादी काँग्रेस पार्टीने (NCP) आज आपल्या उमेदवारांची पहिली अधिकृत यादी प्रसिद्ध केली आहे. प्रदेशाध्यक्ष सुनील तटकरे यांच्या स्वाक्षरीने ही ३७ उमेदवारांची नावे जाहीर करण्यात आली आहेत.
पहिल्या यादीत एकूण ३७ प्रभागांमधील उमेदवारांची घोषणा करण्यात आली आहे. पक्षाने या यादीत जुन्या जाणत्या कार्यकर्त्यांसह महिला आणि नव्या चेहऱ्यांनाही स्थान दिले आहे. यामध्ये प्रभाग क्र. ३ मधून मनीष दुबे, प्रभाग ६४ मधून हदिया फैजल कुरेशी, प्रभाग ९३ मधून डॉ. सचिन तांबे आणि प्रभाग १६८ मधून डॉ. सईदा खान यांसारख्या नावांचा समावेश आहे.
मुंबई महानगरपालिकेवर वर्चस्व मिळवण्यासाठी राष्ट्रवादी काँग्रेसने अतिशय सावधपणे पावले उचलण्यास सुरुवात केली आहे. यादीमध्ये अल्पसंख्याक बहुल भाग, तसेच मराठी भाषिक पट्ट्यांमध्ये तगड्या उमेदवारांना संधी देण्यात आल्याचे दिसून येत आहे. ही यादी प्रसिद्ध झाल्यामुळे आता मुंबईतील राजकीय वातावरण अधिक तापण्याची शक्यता आहे.ही यादी पक्षाचे प्रदेशाध्यक्ष सुनील तटकरे यांनी २८ डिसेंबर २०२५ रोजी अधिकृतपणे प्रसिद्ध केली आहे.
राष्ट्रवादीने जाहीर केलेले वॉर्डनिहाय उमेदवार असे
वॉर्ड क्र 3 मनीष दुबे,
४८ सिरील पिटर डिसोझा,
६२ अहमद खान
७६ बबन रामचंद्र मदने
८६ सुभाष जनार्दन पाताडे
९३ डॉ. सचिन तांबे
९६ आयेशा शाम्स खान
१०९ सज्जू मलिक
११३ शोभा रत्नाकर जाधव
१२५ हरिश्चंद्र बाबालिंग जंगम
१३५ अक्षय मोहन पवार
१४० ज्योती देविदास सदावर्त
१४३ रचना रवींद्र गवस
१४६ भाग्यश्री राजेश केदारे
१४८ सोमू चंदू पवार
१६५ अब्दुल रशीद (कप्तान) मलिक
१६९ चंदन धोंडीराम पाटेकर
१७१ दिशा अमित मोरे
२२४ सबिया अस्लम मर्चेंट
४० विलास दगडू घुले
५७ अजय दत्ताराम विचारे
६४ हदिया फैजल कुरेशी
७७ ममता धर्मेंद्र ठाकूर
९२ युसुफ अबुबकर मेमन
९५ अमित अंकुश पाटील
१११ धनंजय (दादा) पिसाळ
१२६ प्रतीक्षा राजू घुगे
१३९ नागरत्न संदीप बनकर
१४२ चांदणी अजय श्रीवास्तव
१४४ दिलीप हरिश्चंद्र पाटील
१४७ अंकिता संदीप द्रवे
१५२ लक्ष्मण श्रीरंग गायकवाड
१६८ डॉ. सईदा खान
१७० बुशरा परवीन मलिक
१७५ वासंधी मुरुगेश देवेंद्र
२२२ किरण रविंद्र शिंदे
१९७ फरीन इम्तियाझ खान