नाशिक, (प्रतिनिधी) ४ नोव्हेंबर - राजेंद्र (नाना) सूर्यवंशी यांच्या सहकार्याने आणि नाशिक जिल्हा क्रिकेट असोसिएशनच्या वतीने बहुप्रतिक्षित अशा 'कै. किशोर सूर्यवंशी मेमोरियल ट्रॉफी' आंतर तालुका क्रिकेट स्पर्धेच्या (२०२६-२७) तयारीला वेग आला आहे. या प्रतिष्ठित स्पर्धेचे हे सतरावे वर्ष असून, ग्रामीण आणि तालुका स्तरावरील होतकरू क्रिकेटपटूंना आपली कला गुणवत्तेचे प्रदर्शन करण्यासाठी एक उत्तम व्यासपीठ उपलब्ध करून देण्यात आले आहे. खेळाडूंसाठी ही निवड प्रक्रिया येत्या १२ नोव्हेंबर ते १५ नोव्हेंबर या कालावधीत पार पडणार असल्याची माहिती नाशिक जिल्हा क्रिकेट असोसिएशनने दिली आहे.
महिला खेळाडूंसाठी प्रथमच सुवर्णसंधी
या स्पर्धेचे एक मुख्य वैशिष्ट्य म्हणजे, यंदाच्या सत्रापासून महिला खेळाडूंसाठी देखील विशेष निवड चाचणीचे आयोजन करण्यात आले आहे. या ऐतिहासिक निर्णयामुळे जिल्ह्यातील महिला क्रिकेटपटूंना मुख्य प्रवाहात येण्याची आणि जिल्हास्तरावर स्वतःची चमक दाखवण्याची मोठी संधी मिळणार आहे. त्यामुळे महिला क्रिकेटपटूंनी या निवड प्रक्रियेत मोठ्या संख्येने सहभागी व्हावे, असे आवाहन असोसिएशनतर्फे करण्यात आले आहे.
टी-ट्वेंटी सामन्यांचे महत्त्व आणि संधी
हे सामने टी-ट्वेंटी फॉरमॅटमध्ये खेळवले जाणार आहेत. या स्पर्धेतील दैदिप्यमान कामगिरीच्या बळावर खेळाडूंना जिल्हास्तरावर खेळण्याची संधी मिळतेच, शिवाय नाशिक प्रीमिअर लीग (NPL) आणि इतर महत्त्वाच्या संघ लिलावात (Team Auctions) निवड होण्याचा मार्ग सुकर होतो. ग्रामीण भागातील खेळाडूंना मुख्य प्रवाहाशी जोडण्यासाठी ही स्पर्धा अत्यंत महत्त्वाची ठरली आहे.
नाशिक जिल्हा क्रिकेट संघटनेचे विविध निवड समिती सदस्य थेट जिल्ह्याच्या सर्व १५ तालुक्यांमध्ये प्रत्यक्ष भेट देऊन निवड प्रक्रिया पार पाडणार आहेत आणि प्रत्येक तालुक्याचा अंतिम संघ निवडणार आहेत.
तालुकानिहाय निवड प्रक्रिया वेळापत्रक आणि ठिकाणे
निवड प्रक्रियेची सुरुवात १२ नोव्हेंबर रोजी होत असून १५ नोव्हेंबर रोजी विविध तालुक्यांमध्ये ही प्रक्रिया संपन्न होईल. सविस्तर वेळापत्रक खालीलप्रमाणे आहे:
* १२ नोव्हेंबर २०२६:
* त्र्यंबक: त्र्यंबक व हरसूल (स्थानिक समन्वयक: माधव Chavan - ९६८९५८८७६५)
* सिन्नर: सिन्नर (स्थानिक समन्वयक: शिवाजी जाधव - ९६२३९८६०९८, माया सोनवणे - ९७६७०५७४१४)
* १३ नोव्हेंबर २०२६:
* निफाड: निफाड (स्थानिक समन्वयक: संतोष बिरहाडे - ९६२३२१५८७३)
* १४ नोव्हेंबर २०२६:
* नांदगाव: नांदगाव व मनमाड (स्थानिक समन्वयक: संजय त्रिभुवन - ७५८८५५१९५६, संतोष चव्हाण - ९००४५४८९६१, मनोज ठोम्बरे - ९७६७३४८१०१)
* येवला: येवला (स्थानिक समन्वयक: अजय पार्खे - ९६५७५३५२३८)
* नाशिक: डी.सी.ए. मैदान, द्वारका, नाशिक (स्थानिक समन्वयक: कैलास ढीगळे - ९८२२६१०२९०)
* पेठ: पेठ (स्थानिक समन्वयक: चंदू पाथडे - ९४२३२५५६५५)
* १५ नोव्हेंबर २०२६ (विविध ८ तालुके):
* चांदवड: चांदवड (स्थानिक समन्वयक: निरंजन गायकवाड - ९८८११८३४६७)
* इगतपुरी: इगतपुरी (स्थानिक समन्वयक: राहुल पंडित - ९४२२९४००४५)
* सुरगाणा: सुरगाणा (स्थानिक समन्वयक: तुषार धुम - ९८८१९७००७०)
* कळवण: कळवण (स्थानिक समन्वयक: शरद निकम - ९६७३३००७२७)
* दिंडोरी: दिंडोरी (स्थानिक समन्वयक: दिनेश शिंदे - ९८६०५५५७६६)
* मालेगाव: मालेगाव (स्थानिक समन्वयक: तन्वीर अहमद - ८४५९३१३६३८)
* सटाणा (बागलाण): सटाणा (स्थानिक समन्वयक: अमोल तिसावे, शशिकांत पाटील - ९४२१५००१७५)
* देवळा: देवळा (स्थानिक समन्वयक: प्रदीप निकम - ९९७५१४९१५९)
खेळाडूंना आवाहन
नाशिक जिल्हा क्रिकेट असोसिएशनने जिल्ह्यातील सर्व इच्छुक व उदयोन्मुख खेळाडूंना (विशेषतः महिला व युवा खेळाडूंना) आवाहन केले आहे की, त्यांनी आपल्या संबंधित तालुक्यातील ठरलेल्या दिवशी आणि वेळेवर निवड ठिकाणी हजर राहावे. ग्रामीण व तालुका स्तरावरील क्रिकेटपटूंच्या कलागुणांना वाव देण्यासाठी या बातमीला व उपक्रमास योग्य ती प्रसिद्धी द्यावी, अशी विनंती असोसिएशनतर्फे करण्यात आली आहे.