नाशिक, (प्रतिनिधी) दि. १३ जानेवारी २०२६ - "प्रभाग ३ च्या सर्वांगीण विकासासाठी आणि नागरिकांच्या प्रश्नांना वाचा फोडण्यासाठी समाजसेवक अंबादास खैरे हेच सक्षम नेतृत्व आहे," असा निर्धार मतदारांनी आज व्यक्त केला. नाशिक महानगरपालिका निवडणुकीच्या प्रचाराच्या अंतिम दिवशी, राष्ट्रवादी काँग्रेसचे उमेदवार आणि युवक शहराध्यक्ष अंबादास खैरे यांच्या समर्थनासाठी काढण्यात आलेल्या भव्य प्रचार रॅलीने संपूर्ण प्रभाग दुमदुमून गेला. रॅलीला मिळालेला उत्स्फूर्त प्रतिसाद पाहता, ही केवळ प्रचार रॅली नसून विजयाची नांदी असल्याची चर्चा नागरिकांमध्ये रंगली होती.
भव्य शक्तीप्रदर्शन आणि जनसंवाद
प्रचाराचा शेवटचा दिवस असल्याने अंबादास खैरे यांनी प्रभाग ३ मध्ये जोरदार शक्तीप्रदर्शन केले. रॅलीमध्ये तरुण कार्यकर्त्यांचा मोठा भरणा, महिलांचा लक्षणीय सहभाग आणि ज्येष्ठ नागरिकांचे आशीर्वाद खैरे यांना मिळताना दिसले. 'घड्याळ' चिन्हाच्या घोषणांनी परिसर निनादून गेला होता. रॅली ज्या मार्गावरून जात होती, तिथे नागरिकांकडून औक्षण करून खैरे यांचे स्वागत करण्यात येत होते.
जणू 'विजयी रॅली'च!
या रॅलीचे वैशिष्ट्य म्हणजे यामध्ये केवळ कार्यकर्तेच नव्हे, तर प्रभागातील सामान्य नागरिकही मोठ्या संख्येने स्वयंस्फूर्तीने सहभागी झाले होते. नागरिकांच्या चेहऱ्यावरील उत्साह आणि खैरे यांच्याबद्दल असलेला विश्वास पाहता, "ही विजयी रॅलीच आहे" अशा प्रतिक्रिया उपस्थित मतदारांनी दिल्या. अंबादास खैरे यांनी आपल्या कार्यकाळात केलेले समाजकार्य आणि तरुणांमध्ये असलेली त्यांची लोकप्रियता या निवडणुकीत निर्णायक ठरणार असल्याचे चित्र दिसत आहे.
विकासाचे 'घड्याळ' धावणार
प्रचाराच्या सांगता सभेत बोलताना अंबादास खैरे म्हणाले की, "गेल्या अनेक वर्षांपासून मी प्रभागातील समस्या सोडवण्यासाठी कटिबद्ध आहे. नागरिकांनी दिलेले प्रेम हीच माझी शिदोरी आहे. येत्या १५ जानेवारीला घड्याळ चिन्हासमोरील बटण दाबून मला सेवेची संधी द्या, मी प्रभागाचा कायापालट करून दाखवेन."
ठळक वैशिष्ट्ये: