नाशिक, (प्रतिनिधी) ३१ डिसेंबर - भरधाव वाहनाच्या धडकेत गंभीर जखमी झालेल्या ५६ वर्षीय महिलेचा मृत्यू झाला. महामार्गावर रस्ता ओलांडताना हा अपघात झाला. याप्रकरणी अंबड पोलीस ठाण्यात मृत्यूची नोंद करण्यात आली आहे.
मेघा विश्वास कुलकर्णी (५६ रा. पन्ना हाईटस सह्याद्रीनगर बसस्टॉप जवळ) असे मृत महिलेचे नाव आहे. मेघा कुलकर्णी या गेल्या शुक्रवारी (दि.२६) सायंकाळच्या सुमारास महामार्गावरील सोनाली मटन भाकरी परिसरात रस्ता ओलांडत असताना हा अपघात झाला होता.
भरधाव वाहनाने धडक दिल्याने त्या गंभीर जखमी झाल्या होत्या. कुटूंबियांनी त्यांना नजीकच्या वक्रतुंड रूग्णालयात प्रथमोपचार करून अधिक उपचारार्थ सह्याद्री हॉस्पिटल येथे दाखल केले होते. सोमवार उपचार सुरू असतांना डॉ. दिनेश सूर्यवंशी यांनी त्यांना तपासून मृत घोषीत केले. तपास हवालदार शेख करीत आहेत.