नाशिक, (प्रतिनिधी) २४ फेब्रुवारी - नाशिकच्या औद्योगिक वसाहतीतील जाधव संकुल परिसरात लग्नाची मागणी घातल्याच्या कारणावरून दोन भावांवर धारदार शस्त्राने प्राणघातक हल्ला झाल्याची खळबळजनक घटना घडली आहे. याप्रकरणी सातपूर पोलिसांनी तातडीने चक्र फिरवत दोघा संशयितांना अटक केली असून, त्यांच्यावर खुनाचा प्रयत्न केल्याचा गुन्हा दाखल करण्यात आला आहे.
घटनेचा थरार
मिळालेल्या माहितीनुसार, समीर दोबाडे (रा. गिरणारे) याने एका तरुणीची छेड काढून तिला लग्नाची मागणी घातली होती. या गोष्टीचा राग मनात धरून मुलीच्या नातेवाईकांनी समीरला धडा शिकवण्याचे ठरवले. रविवारी (दि. २२) रात्री समीर आणि त्याचा भाऊ अजय दोबाडे हे जाधव संकुल परिसरात असताना, संशयितांनी त्यांना गाठले.
धारदार शस्त्राने वार
संशयित सोहम भंडारी आणि चेतन भंडारी (दोघे रा. महादेववाडी, सातपूर) यांनी सुरुवातीला समीरला शिवीगाळ करत लाथाबुक्क्यांनी बेदम मारहाण केली. रागाच्या भरात संशयितांनी समीरवर धारदार शस्त्राने वार केले. आपला भाऊ संकटात असल्याचे पाहून अजय दोबाडे त्याला वाचवण्यासाठी धावून गेला असता, संशयितांनी त्यालाही सोडले नाही. या हल्ल्यात अजयच्या डोळ्याला आणि हाताला गंभीर दुखापत झाली आहे.
पोलीस कारवाई आणि अटक
या घटनेनंतर अजय संपत दोबाडे (रा. उपेंद्रनगर, अंबड) याने सातपूर पोलीस ठाण्यात तक्रार दाखल केली. घटनेचे गांभीर्य ओळखून पोलिसांनी तात्काळ तपास सुरू केला आणि सोहम भंडारी व चेतन भंडारी या दोघांना अटक केली आहे.
तपास पथक: सातपूर पोलीस ठाण्याचे पोलीस उपनिरीक्षक प्रदीप पवार या प्रकरणाचा अधिक तपास करत आहेत. परिसरात अशा प्रकारच्या हिंसक घटनेमुळे काही काळ भीतीचे वातावरण निर्माण झाले होते.
नाशिक : पार्क केलेल्या ट्रकमधून तब्बल नऊ लाख रूपये किमतीची केबल चोरणाºया दोघांंना पोलीसांनी बेड्या ठोकल्या. सीसीटिव्ही यंत्रणेच्या माध्यामातून दोघांना हुडकून काढण्यात आले असून याप्रकरणी नाशिकरोड पोलीस ठाण्यात गुन्हा दाखल करण्यात आला आहे.
तारासिंग चरणसिंग शिकलकर व यसुसिंग मनुसिंग शिकलकर (रा.दोघे शिकलकर वस्ती सिन्नरफाटा) अशी अटक करण्यात आलेल्या संशयित चोरट्यांची नावे आहेत. याबाबत पंकज गौतम मेश्राम (रा.नागपूर) या ट्रकचालकाने फिर्याद दिली होती. चालक मेश्राम व त्यांचा क्लिन एमएच ०४ एमएच ४७४३ मालट्रक घेवून शहरात दाखल झाले होते. नाशिकरोड भागात शिवजयंतीनिमित्त कार्यक्रम सुरू असल्याने ते सिन्नरफाटा ते शिवाजी पुतळा रोडवरील बॅरिकेड पाठीमागे आपला ट्रक पार्क करून चालक कॅबीनमध्ये झोपी गेले असता ही घटना घडली होती. अज्ञात चोरट्यांनी ट्रकची रस्सी तोडून एक हजार लांब पीव्हीसी बारा कोरची केबल व ९०० किलो वजनाची एक केबल बंडलचा ड्रम असा सुमारे नऊ लाख रूपये किमतीचा ऐवज चोरून नेला होता. हा प्रकार रविवारी (दि.२२) सकाळी उघडकीस आला होता. याप्रकरणी नाशिकरोड पोलीस ठाण्यात गुन्हा दाखल होताच पोलीसांनी दोघांना हुडकून काढले असून याप्रकरणाचा तरपास हवालदार पाटील करीत आहेत.
